A guitarra

A guitarra é un instrumento musical de corda pulsada, composto dunha caixa de madeira, un mastro sobre o que vai pegado o diapasón ou rocho -xeralmente cun burato acústico no centro da tapa (boca)-, e seis cordas. Sobre o diapasón van incrustados os trastes, que permiten as diferentes notas. O seu nome específico é guitarra clásica, guitarra española, guitarra crioula ou guitarra acústica. É o instrumento máis utilizado en xéneros como blues, rock, metal e flamenco, e bastante frecuente en cantautores. Tamén é utilizada en xéneros tales como o tango, rancheiras e atafarrillas, ademais do folclore de varios países. É parte fundamental da orquestra de pulso e puga ou tuna, xunto á bandurra e o laúde español. Instrumentos da familia da guitarra son o ukelele, o requinto, o charango e o guitarrón. Este último é de uso frecuente polos mariachis. As orixes e evolución da guitarra non están demasiado claros, xa que numerosos instrumentos similares eran utilizados na antigüidade, polo que é usual seguir a traxectoria deste instrumento a través das representacións pictóricas e escultóricas encontradas ao longo da historia. Existen evidencias arqueolóxicas en baixorrelevos encontrados en Alaça Hüyük (norte da actual Turquía) de que en torno ao ano 1000 a. C. os hititas e asirios crearon instrumentos de corda parecidos á lira (o instrumento de varias cordas máis sinxelo e antigo do mundo) pero co agregado dunha caixa de resonancia, polo que serían antecesores da guitarra. Tamén se encontraron representacións en debuxos do antigo Exipto que se asemellan a un instrumento similar á guitarra. Existen dúas hipóteses acerca das súas orixes. Unha delas dálle unha orixe greco-romano e afirma que é un descendente da fidícula e a outra considera que a guitarra é un instrumento introducido polos árabes durante a conquista musulmá da península ibérica e que posteriormente evolucionou en España. Segundo a primeira hipótese, estes instrumentos chegaron ata os gregos, que deformaron lixeiramente o seu nome, kizára ou kettarah, que en castelán se rematou chamando cítara. Este feito deu lugar a supoñer que a guitarra deriva da cítara grega e romana, ás que se lle tería engadido un mango ao comezo da nosa era. Moitos estudosos e musicólogos atribúen a chegada da guitarra a España por medio do Imperio romano no ano 400. A outra hipótese sostén que o primeiro instrumento con mastro foi a ud árabe, cuxo nome os españois remataron fundindo erroneamente co seu artigo: «a ud» feminina converteuse no masculino "laúde". Foron precisamente os árabes que introduciron o instrumento en España, onde evolucionou de acordo aos gustos musicais da plebe baixo dominación musulmá. Antía Álvarez López